واحد أطرش بيسأل واحد أطرش :
إنت رايح الجامع؟
قال له :
لا أنا رايح الجااامع.
رد عليه :
يا خساااارة فاكرك رايح الجاااامع.
واحد قاعد في البيت لوحده النور قطع .... سمع خروشة ... قال : بس بس بس
سمع اللي بيقول له : هاهاها أنا مش قطة انا عفرييييت.
قال له : يبقا أنا اللي لازم أبس.
واحد غلس وندل أوي .... عينوه رئيس مصلحة التلفونات ...
راح مغير رقم المطافي من 122 الى : 3796815024
راجل عجوز للدكتور ضهره محني جدا يكاد يلامس الأرض برأسه : أه يا ضهري ....آآآآآه يا ضهري
الدكتور : من مالك يا حاج ؟ إيه ده من إيه ده؟ إنت بتشتغل إيه؟
العجوز : مكوجي رجل.
الدكتور : من كام سنة بتشتغل مكوجي رجل؟
العجوز : من 25 سنة.
الدكتور : طيب أنا كتبت لك على مرهم تدهن منه كل يوم سبع مرات وعلاج طبيعي تشتغل بتاع عرقسوس سنتين.
تلميذ غبي كل شهر يجيب لأبوه الشهادة وطالع ال 30 على الفصل.
الشهر الأخير جاب الشهادة وطالع ال 31 على الفصل.
أبوه : انت بتتقدم وألا بتتأخر؟
التلميذ الغبي : أعمل لكو إيه ما هم جابولنا تلميذ جديد في الفصل
